Dərman vasitəsinin istifadəsi üzrə təlimat (xəstələr üçün)

VİPKARDİN-H   tabletlər
VIPCARDIN-H

Beynəlxalq patentləşdirilməmiş adı: Candesartan + Amlodipine+ Hydrochlorothiazide

Tərkibi
Təsiredici maddə:   1 tabletin tərkibində 16 mq kandesartan sileksetil, 5 mq və ya 10 mq
amlodipinə ekvivalent 6,94 mq və ya 13,87 mq amlodipin besilat, 12,5 mq
hidroxlortiazid vardır.
Köməkçi maddələr: qarğıdalı nişastası, mikrokristallik sellüloza (102-ci tip), mikrokristallik
sellüloza (112-ci tip), mannitol, kopovidon, natrium nişasta qlikolyat,
kalsium hidrofosfat, qırmızı dəmir oksidi, qliserin, kolloidal silisium dioksid,
maqnezium stearat.

Təsviri
Dəyirmi, iki tərəfi qabarıq, ikiqatlı tabletlərdir.

Farmakoterapevtik qrupu
Kalsium kanallarının blokatoru və angiotenzin reseptorlarının antaqonistinin kombinasiyası.
ATC kodu: C09DX06

Farmakoloji xüsusiyyətləri
Farmakodinamikası
Preparatın tərkibində kalsium antaqonisti amlodipin və angiotenzin II reseptorlarının antaqonistləri qrupuna aid olan kandesartan sileksetil var. Bu maddələrin hər ikisi yüksək təzyiqi idarə etməyə kömək edir.
Amlodipin membranın zəif kalsium kanallarını blokada edərək, kalsium ionlarının kardiomiositlərə və damarların saya əzələlərinin hüceyrələrinə transmembran daxil olmasının qarşısını alır. Onun təsiri altında damarların tonusu (arteriol) və periferik damar müqaviməti azalır. Arteriolların genişlənməsi və gərginliksonunun azalması hesabına amlodipin antianginal təsir göstərir. Onun reflektor taxikardiyanın yaranmasına səbəb olmamağını nəzərə alaraq, preparatın tətbiqi zamanı miokardın oksigenə tələbatı azalır. Amlodipin miokardın perfuziyasını yaxşılaşdıraraq istər intakt, istərsə də patoloji dəyişmiş koronar damarları genişləndirir; arzuolunmaz metabolik təsirlərə malik deyil.
Kandesartan sileksetil 1-ci tip angiotenzin-II-reseptorlarının selektiv antaqonistidir (AT1-reseptorlar). Kandesartan angiotenzin I-i angiotenzin II-yə çevirən və bradikinini parçalayan AÇF-i inhibə etmir; AÇF-ə təsir etmədiyi üçün bradikininin yaxud P substansiyanın toplanmasına da gətirib çıxarmır.
Kandesartanın AÇF inhibitorları ilə müqayisəsi zamanı kandesartan sileksetil qəbul edən xəstələrdə öskürəyin daha az rast gəlinməsi müşahidə olunub. Kandesartan digər hormonların reseptorları ilə əlaqəyə girmir və ürək-damar sisteminin funksiyalarının tənzimlənməsində iştirak edən ion kanallarını inhibə etmir. Angiotenzin II-nin AT1 reseptorlarının inhibə olunması nəticəsində reninin aktivliyinin, angiotenzin I və angiotenzin II-nin miqdarının dozadan asılı olaraq yüksəlməsi və qan plazmasında aldosteronun konsentrasiyasının azalması baş verir.
Preparat, arterial təzyiqi tək başına amlodipin və ya kandesartanla kifayət qədər idarə olunmayan xəstələrdə yüksək arterial təzyiqi müalicə etmək üçün istifadə olunur.
Hidroxlortiazid – tiazid diuretikidir, diuretik təsiri nefronun distal hissəsində natrium, xlor, kalium, maqnezium ionlarının, suyun reabsorbsiyasının pozulması ilə əlaqəlidir; kalsium ionlarının, sidik turşusunun xaric olunmasını ləngidir. Arteriolların genişlənməsi hesabına antihipertenziv təsir göstərir. Praktik olaraq normal AT-yə təsir göstərmir. Diuretik təsir 1-2 saatdan sonra inkişaf edir, 4 saatdan sonra maksimuma çatır və 6-12 saat davam edir. Antihipertenziv təsir 3-4 gündən sonra meydana çıxır, lakin optimal terapevtik təsirə çatması üçün 3-4 həftə tələb oluna bilər.
Farmakokinetikası
Sorulması və paylanması
Kandesartan sileksetil daxilə qəbul edildikdən sonra həzm traktında hidrolizə uğrayır və sürətlə aktiv formaya – kandesartana çevrilir. Təxmini mütləq biomənimsənilməsi 14% təşkil edir.
Qan zərdabında maksimal konsentrasiyası (Cmax) preparatın tablet formasının qəbulundan orta hesabla 3-4 saat sonra əldə olunur. Tövsiyə olunan doza həddində preparatın dozasının artırılması zamanı kandesartanın konsentrasiyası xətti surətdə artır. Kandesartanın farmakokinetik parametrləri xəstənin cinsindən asılı deyil. Qida qəbulu AUC-a təsir etmir, yəni qida preparatın biomənimsənilməsinə əhəmiyyətli təsir göstərmir. Kandesartan plazma zülalları ilə aktiv birləşir (>99%). Kandesartanın paylanma həcmi – Vd 0,1 l/kq təşkil edir.
Metabolizmi və xaric olması
Kandesartan orqanizmdən əsasən sidik və ödlə dəyişilməmiş şəkildə xaric olur və yalnız cüzi bir hissəsi qaraciyərdə metabolizmə uğrayır. Kandesartanın yarımatılma dövrü – T½ təxminən 9 saat təşkil edir. Preparatın orqanizmdə kumulyasiyası müşahidə olunmur.
Kandesartanın ümumi klirensi təxminən 0.37 ml/dəq/kq təşkil edir, bu zaman böyrək klirensi – 0,19 ml/dəq/kq-dır. Kandesartanın böyrək ekskresiyası yumaqcıq filtrasiyası və aktiv kanalcıq sekresiyası yolu ilə həyata keçirilir. Radioaktiv-nişanlanmış kandesartan sileksetilin peroral qəbulu zamanı daxil edilmiş miqdarın təxminən 26%-i kandesartan şəklində və 7%-i qeyri-aktiv metabolit şəklində sidiklə çıxarılır, eyni zamanda daxil edilmiş miqdarın 56%-i kandesartan şəklində və 10%-i qeyri-aktiv metabolit şəklində nəcisdə aşkar edilir.
Xüsusi klinik hallarda farmakokinetikası: Arterial hipertenziya və böyrək çatışmazlığı olan xəstələrdə, yaşlı xəstələrdə (65 yaşdan yuxarı) kandesartanın Cmax və AUС gənc xəstələrlə müqayisədə müvafiq olaraq, 50% və 80% artır. Lakin kandesartanın qəbulu zamanı hipotenziv effekt və yan təsirlərin yaranması tezliyi xəstələrin yaşından asılı deyil.
Böyrək funksiyasının yüngül və zəif pozğunluğu olan xəstələrdə kandesartanın Cmax və AUС müvafiq olaraq 50% və 70% artmışdır, eyni zamanda normal böyrək funksiyası olan xəstələrlə müqayisədə preparatın T½ dəyişmir. Ağır böyrək pozğunluğu olan xəstələrdə kandesartanın Cmax və AUС müvafiq olaraq 50% və 110%, eyni zamanda preparatın T½ 2 dəfə artmışdır. Kandesartanın farmakokinetik parametrləri hemodializ alan xəstələrdə böyrək funksiyasının ağır pozğunluğu olan xəstələrlə eyni olmuşdur. Qaraciyər funksiyasının yüngül və zəif pozğunluğu olan xəstələrdə kandesartanın AUС-nin 23% artması qeydə alınmışdır.
Amlodipin qəbul edildikdən sonra mədə-bağırsaq traktından (90%) absorbsiya olunur, preparatın qanda maksimal konsentrasiyası 6-12 saatdan sonra müşahidə olunur. Qan plazmasında stabil qatılığa preparatın 7-8 günlük mütəmadi qəbulundan sonra nail olmaq olar.
Preparat yüksək həcmli paylanma qabiliyyətinə malikdir – 20 l/kq, 95%-i qanın plazma zülalları ilə birləşir.
Preparatın yarımparçalanma dövrü 35-45 saatdır ki, bu da onu sutkada 1 dəfə təyin etməyə imkan verir. Amlodipin əsasən qaraciyərdə qeyri-aktiv metabolitlərə parçalanır, 10%-ə qədəri orqanizmdən dəyişilməz şəkildə xaric olunur, 60%-i böyrəklərlə, 20-25%-i metabolitlər şəklində ödlə, bir hissəsi də ana südü ilə xaric olunur.
Hidroxlortiazid
Sorulması: daxilə qəbulundan sonra 60-80% absorbsiya olunur. Qan plazmasında Cmax təqribən 1,5-3 saatdan sonra olur. Qida qəbulu sorulmasında klinik əhəmiyyət daşımır.
Paylanması: hidroxlortiazid eritrositlərdə toplanır. Xaric olunma fazasında onun eritrositlərdə olan qatılığı plazmadakından 3-9 dəfə çox olur. Plazma zülalları ilə birləşməsi 40-70%-dir. Metabolizmi və xaric olunması: hidroxlortiazid çox aşağı dərəcədə metabolizə olunur. Hidroxlortiazidin plazmadan xaric olunması iki fazalı xarakter daşıyır: T½ başlanğıc α-fazada 2 saat, terminal β-fazada təxminən 10 saat təşkil edir. Hidroxlortiazid sidiklə xaric olunur (daxilə qəbul olunmuş dozanın 50-75%-i – dəyişilməmiş şəkildə).

İstifadəsinə göstərişlər
Arterial hipertenziya (kombinəolunmuş terapiya göstəriş olan xəstələrdə).
Kandesartan və ya amlodipin tək və ya birlikdə istifadə edildikdə arterial təzyiqi aşağı salmaqda təsirli olmadıqda, VİPCARDIN-H təyin olunur.

Əks göstərişlər

• Əgər sizdə VIPCARDIN-H-ın hər hansı inqrediyentinə qarşı yüksək həssaslıq varsa (Bu, qaşınma, dərinin qızarması və ya tənəffüs çətinliyi ola bilər).
• Hamiləlik və laktasiya dövrü
• Kəskin böyrək çatışmazlığı varsa (kreatinin klirensi <30 ml/dəq/1,73 m² BSA).
• Kəskin qaraciyər xəstəliyi və ya öd yollarının obstruksiyası varsa.
• Kəskin hipotenziya varsa.
• Ürəkdə aorta qapağının daralması (aorta stenozu) və ya kardiogen şok varsa.
• Əgər infarktdan sonra ürək çatışmazlığından əziyyət çəkirsinizsə.
• Tərkibində sulfanilamidlər və ya dihidropiridin törəmələri olan dərmanlara qarşı allergiyanız varsa (əmin olmaq üçün həkiminizlə məsləhətləşin).
• Podaqra xəstəliyindən əziyyət çəkirsinizsə.
• Qandakı kaliumun səviyyəsi davamlı olaraq aşağıdırsa.
• Qandakı kalsium səviyyəsi davamlı olaraq yüksəkdirsə.
• Şəkərli diabet və ya böyrək çatışmazlığınız varsa, qan təzyiqini aşağı salan ARB və AÇF inhibitorlarını, o cümlədən VIPCARDIN-H, digər qan təzyiqini aşağı salan dərman aliskiren ilə birlikdə istifadə etməyin.
• Əgər anuriya varsa (sidik ifraz edə bilməmək).

Yuxarıda qeyd olunanlardan hər hansı birinin sizə aid olub-olmadığına əmin deyilsinizsə, VIPCARDIN-H qəbul etməzdən əvvəl həkiminizlə məsləhətləşin.

Xüsusi göstərişlər və ehtiyat tədbirləri
Preparatı qəbul etməzdən əvvəl aşağıda qeyd olunan hallarda həkiminizlə və ya əczaçınızla məsləhətləşin:

• Ürək, qaraciyər və ya böyrək problemləriniz varsa və ya dializdəsinizsə.
• Əgər siz bu yaxınlarda böyrək nəqli əməliyyatı keçirmisinizsə.
• Yaxınlarda kəskin qusma və ya ishal keçirmisinizsə.
• Konn sindromu adlanan böyrəküstü vəzi xəstəliyiniz varsa (həmçinin birincili hiperaldosteronizm adlanır).
• Arterial təzyiqiniz aşağıdırsa.
• Əgər siz nə vaxtsa insult keçirmisinizsə.
• Qeyri-steroid iltihabəleyhinə preparatlardan istifadə edirsinizsə.
• Böyrək damarlarınızda daralma varsa.
• Ürək qapaqlarının daralması (“aorta və ya mitral stenoz” adlanır) və ya ürək əzələsinin qalınlığının anormal şəkildə artması (“obstruktiv hipertrofik kardiomiopatiya” adlanır) varsa.
• Kəskin ürək çatışmazlığı, ürək xəstəliyi və ya aterosklerotik serebrovaskulyar xəstəliyiniz varsa,
• Ürək çatışmazlığı varsa və ya infarkt keçirmisinizsə.
• Eyni hormonal sistemə təsir edən (Renin angiotenzin-aldosteron/RAAS) və angiotenzin çevirici ferment (AÇF) inhibitorları və angiotenzin reseptor blokatorları (ARB) kimi digər dərmanlardan istifadə edirsinizsə; qan təzyiqinin düşməsi, insult, huşun itməsi, böyrək funksiyasının pozulması və qanda kaliumun miqdarının artmasına səbəb ola bilər. Tərkibində aliskiren olan digər bir antihipertenziv preparatın bu preparatla birlikdə istifadəsi tövsiyə edilmir.
• Mineralokortikoid reseptor antaqonistləri (MRA) kimi tanınan dərmanlar sinfinə aid olan dərmanlarla birlikdə AÇF inhibitoru qəbul edirsinizsə (bu dərmanlar ürək çatışmazlığının müalicəsi üçün nəzərdə tutulub).
• Hipertonik kriz
• Yaşlılarda dozanı artırmaq tələb olunursa.
• 75 yaşdan yuxarı şəxslər
• Böyrək çatışmazlığınız varsa, hemodializ keçirsinizsə, qanda yüksək kaliumun səviyyəsi yüksəkdirsə və ACE inhibitorları qəbul edirsinizsə.

Yuxarıda qeyd olunan hallarda həkim müntəzəm olaraq böyrək funksiyasını, qan təzyiqini və qandakı elektrolitlərin (məsələn, kalium) miqdarını yoxlaya bilər.
Əgər əməliyyat keçirəcəksinizsə, həkiminizə və ya diş həkiminizə bu preparatı qəbul etdiyinizi bildirin. Bunun səbəbi, preparat bəzi anestetiklərlə birləşdikdə qan təzyiqinin həddindən artıq aşağı düşməsinə səbəb ola bilər. Preparat dərinin günəşə qarşı həssaslığının artmasına səbəb ola bilər.
Bu xəbərdarlıqlar keçmişdə istənilən vaxt sizə şamil edilmiş olsa belə, həkiminizlə məsləhətləşməyiniz tövsiyə olunur.

Digər dərman vasitələri ilə qarşılıqlı təsiri
Bitki mənşəli və ya reseptsiz dərmanlar da daxil olmaqla, hər hansı digər dərmanlardan istifadə edirsinizsə, bu yaxınlarda istifadə etmisinizsə bu haqda həkiminizə və ya əczaçınıza bildirin. Xüsusilə, aşağıdakı dərmanlardan hər hansı birini istifadə edirsinizsə, həkiminizə məlumat verin, çünki həkiminiz dozanı dəyişdirməli və/və ya digər ehtiyat tədbirləri görməlidir:

• Qan təzyiqini azaltmağa kömək edən digər dərmanlar, o cümlədən β-blokatorlar, aliskiren tərkibli dərmanlar, diazoksid və enalapril, kaptopril, lisinopril və ya ramipril kimi angiotenzin çevirici ferment (ACE) inhibitorları.
• İbuprofen, naproksen, diklofenak, selekoksib və ya etorikoksib (ağrı və iltihabı aradan qaldıran dərmanlar) kimi qeyri-steroid iltihabəleyhinə preparatlar (QSİƏP).
• Asetilsalisil turşusu (hər gün 3 q-dan çox qəbul edirsinizsə).
• Tərkibində kalium olan kalium əlavələri və ya duz əvəzediciləri (qanda kaliumun miqdarını artıran dərmanlar).
• Kalsium və ya Vitamin D əlavələri.
• Kolestipol və ya xolestiramin kimi xolesterini azaldan dərmanlar.
• Podaqranın müalicəsində istifadə olunan dərmanlar (urikosurik).
• Şəkərli diabetdə istifadə olunan dərmanlar (tablet və ya insulin).
• Diqoksin və beta blokatorlar kimi antiaritmik dərmanlar.
• Qanda kalium səviyyəsinə təsir göstərən dərmanlar (məsələn, bəzi neyroleptiklər).
• Heparin (qan durulaşdıran dərman).
• Diuretiklər.
• Litium (psixi sağlamlıq problemləri üçün dərman).
• İşlədici preparatlar.
• Penisillin (antibiotik).
• Amfoterisin (göbələk infeksiyalarının müalicəsi üçün).
• Steroidlər (məsələn, prednizolon).
• Hipofiz hormonu (ACTH Hipofiz hormonu-steroid sintezi ilə əlaqəli hormon terapiyası).
• Xərçəngin müalicəsində istifadə olunan dərmanlar.
• Amantadin (Parkinson xəstəliyini və ya virusların yaratdığı ciddi infeksiyaları müalicə etmək üçün).
• Ritonavir, indinavir, nelfinavir (HİV-in müalicəsində istifadə olunan proteaz inhibitorları adlanır).
• Takrolimus, sirolimus, temsirolimus və everolimus (immun sisteminin işinə təsir göstərən preparatlar).
• Barbituratlar.
• Karbenoksolon (qida borusu xəstəliklərinin və ya ağız boşluğunun xoralarının müalicəsi üçün).
• Atropin və biperiden kimi antixolinergik agentlər.
• Ketokonazol, itrakonazol (göbələk əleyhinə dərmanlar).
• Verapamil, diltiazem (ürək dərmanları).
• Rifampisin, eritromisin, klaritromisin (antibiotiklər).
• Dazıotu preparatları (Hypericum perforatum), yüngül depressiyanın müalicəsi üçün bitki mənşəli vasitədir.
• Dantrolen (Bədxassəli hipertermiyanı aradan qaldırmaq üçün istifadə olunur).
• Simvastatin (yüksək xolesterin səviyyələrini azaltmaq üçün istifadə olunur).
• Preparatın qəbulu zamanı spirtli içki qəbul etməzdən əvvəl həkiminizlə məsləhətləşin. Alkoqol huşunu itməsinə və ya başgicəllənməyə səbəb ola bilər.
• Siklosporin orqan transplantasiyası zamanı istifadə edilən preparat.
• AÇF inhibitoru ilə yanaşı digər ürək çatışmazlığının müalicəsində istifadə olunan mineralokortikoid reseptorlarının antaqonistinin (məs., spironolakton, eplerenon) birlikdə qəbul edilməsi.
• Renin angiotensin-aldosteron sisteminə təsir göstərən digər preparatlarla, bu preparatın kalium qoruyucu diuretiklər, kalium preparatları və tərkibində kalium olan və ya kalium səviyyəsini artıran digər dərmanlarla (məsələn, heparin) istifadəsi hipertenziyalı xəstələrdə zərdabda kalium səviyyəsini artıra bilər. Buna görə də, şəkərli diabet və ya böyrək çatışmazlığı varsa, kalium artıran preparatları bu preparatla birlikdə istifadə etməyin.
• Tərkibindəki maqnezium sayəsində tetrasiklinin sorulmasını azalda bilər. Buna görə tetrasiklin antibiotiklərindən istifadə etməkdən çəkinin.

Əgər Siz reseptsiz alınan dərmanlar da daxil olmaqla hər hansı digər dərman qəbul edirsinizsə və ya bu yaxınlarda qəbul etmisinizsə, bu barədə həkiminizə və ya əczaçınıza məlumat verin.

Hamiləlik və laktasiya dövründə istifadəsi
Hamiləlik
Bu preparatı istifadə etməzdən əvvəl həkiminizlə və ya əczaçı ilə məsləhətləşin. Uşağaqalma potensialı olan qadınlara müalicə zamanı çox təsirli kontraseptivlərdən istifadə etmək tövsiyə olunur. Əgər hamiləsinizsə, hamilə olduğunuzu düşünürsünüzsə və ya hamilə qalmaq istəyirsinizsə, bu preparatı qəbul etməyin. Əgər hamilə olduğunuzu düşünürsünüzsə (hər hansı bir şübhəniz varsa) həkiminizə məlumat verin. Həkiminizə hamilə olduğunuzu və ya hamilə qalmaq istədiyinizi bildirdikdə, həkiminiz sizə bu preparatı qəbul etməyi dayandırmağı və əvəzinə başqa dərman qəbul etməyi məsləhət görəcək. Hamiləlik dövründə preparatın istifadəsi körpənizə ciddi zərər verə bilər və ya hətta körpənizin ölümünə səbəb ola bilər. Müalicə zamanı hamilə olduğunuzu anlasanız, dərhal həkiminizə və ya əczaçıya müraciət edin.
Laktasiya
Az miqdarda amlodipinin ana südünə keçdiyi göstərilmişdir. Əgər ana südü ilə qidalandırırsınızsa və ya əmizdirməyə başlayacaqsınızsa, bu preparatı istifadə etməzdən əvvəl həkiminizə məlumat verin.
Ana südü ilə qidalanan körpələrdə arzuolunmaz təsirlərə səbəb ola biləcəyi üçün preparatın istifadəsi zəruri olduqda ana südü ilə qidalandırma dayandırılmalıdır.

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Bəzi insanlarda preparatı qəbulu zamanı yorğunluq və başgicəllənmə halları ola bilər. Bu zaman nəqliyyat vasitəsini və digər potensial təhlükəli mexanizmləri istifadə etməyin.

İstifadə qaydası və dozası
Bu preparatı həmişə həkiminizin təyin etdiyi kimi qəbul edin. Əgər əmin deyilsinizsə, həkiminizlə və ya əczaçı ilə məsləhətləşin. Bu preparatı hər gün qəbul etmək vacibdir.
Preparatın tövsiyə olunan dozası gündə bir dəfə 1 tabletdir.
Tableti az miqdarda su ilə udmaq lazımdır.
Tableti hər gün eyni vaxtda qəbul etmək lazımdır.
Preparatı qreypfrut şirəsi ilə qəbul etməyin.
Preparatın müalicə dozası həkim tərəfindən müəyyən edilir. Müalicəyə cavab reaksiyasına uyğun olaraq daha yüksək və ya aşağı doza tövsiyə oluna bilər.
Bəzi xəstələrdə, məsələn, qaraciyər, böyrək problemi olan, qusma və ya ishal zamanı, həmçinin diuretiklərin istifadəsi ilə bağlı yaxınlarda orqanizmdə maye itkisi olan xəstələrdə həkim daha aşağı başlanğıc doza təyin edə bilər.
Bəzi qaradərili xəstələr, yeganə müalicə olaraq verildikdə bu tip dərmana reaksiya azala bilər və bu xəstələr daha yüksək dozaya ehtiyac duya bilər.
Fərqli yaş qruplarında istifadəsi
Bu preparatın uşaqlarda (18 yaşdan aşağı) istifadəsi təcrübəsi yoxdur. Buna görə də, uşaqlarda istifadə edilməməlidir.
Yaşlı insanlar üçün tövsiyə olunan dozanın tənzimlənməsi ümumiyyətlə tələb olunmur, lakin dozanın artırılması ehtiyatla aparılmalıdır. Preparat 75 yaşdan yuxarı xəstələrdə ehtiyatla istifadə edilməlidir.
Böyrək çatışmazlığı
Yüngül və orta dərəcədə böyrək çatışmazlığı olan xəstələrdə bu dərman vasitəsi başlanğıc müalicə kimi istifadə olunmur, həkim digər uyğun dozanı təyin edəcək. Əgər sizdə ağır böyrək çatışmazlığı varsa, preparatı istifadə etmək olmaz. Amlodipin dializ edilə bilməz.
Qaraciyər çatışmazlığı
Yüngül və orta dərəcədə qaraciyər çatışmazlığınız varsa, bu dərman vasitəsi başlanğıc müalicə kimi istifadə olunmur, həkiminiz sizin üçün digər uyğun dozanı təyin edəcək. Əgər sizdə ağır qaraciyər çatışmazlığı və ya xolestaz varsa, preparatı istifadə etmək olmaz.
Unudulmuş dozanı əvəz etmək üçün ikiqat doza qəbul etməyin. Növbəti dozanı normal qəbul edin.
Preparatın qəbulunu dayandırsanız, qan təzyiqiniz yenidən yüksələ bilər. Buna görə qəbul etməyi dayandırmayın.

Əlavə təsirləri
Bütün dərmanlar kimi, bu preparat da hər kəsdə olmasa da əlavə təsirlərə səbəb ola bilər. Preparatın bəzi əlavə təsirləri kandesartan sileksetil, bəziləri isə amlodipindən qaynaqlanır.
Aşağıdakı allergik reaksiyalardan hər hansı biri varsa, preparatın qəbulunu dayandırın və dərhal həkimə müraciət edin:

• Üzün, dodaqların, dilin və/və ya boğazın şişməsi nəticəsində tənəffüs çətinləşməsi
• Üzün, dodaqların, dilin və/və ya boğazın şişməsi, udmaqda çətinlik yarada bilər.
• Şiddətli dəri reaksiyaları, o cümlədən intensiv dəri səpkiləri, bütün bədəndə dərinin qızarması, dərinin şiddətli qaşınması, qabarması, soyulması və şişməsi, selikli qişaların iltihabı (Stivens-Conson sindromu, toksiki epidermal nekroliz) və ya digər allergik reaksiyalar
• Ürək tutması, aritmiya
•  Şiddətli qarın və bel ağrılarına səbəb ola bilən mədəaltı vəzi iltihabı

Bütün bunlar çox ciddi əlavə təsirlərdir.
Əgər bunlardan hər hansı biri sizdə varsa, bu sizin preparata ciddi allergiyanızın olduğunu bildirir. Təcili tibbi müalicə və ya xəstəxanaya yerləşdirmə tələb oluna bilər.
Bu çox ciddi yan təsirlər çox nadir hallarda müşahidə olunur.
Əlavə təsirlər aşağıdakı tezliklərə görə təsnif edilir:
Çox tez-tez: ən azı 10 xəstədən 1-nə təsir edir
Tez-tez: 100 xəstədən 1-nə təsir edir
Ümumi: 1000 xəstədən 1-nə təsir edir
Nadir: 10.000 xəstədən 1-nə təsir edir
Çox nadir: 10.000 xəstədən 1-dən az xəstəyə təsir göstərir
Naməlum : mövcud məlumat əsasında təxmin edilə bilməz.
Ümumi

• Yuxululuq/başgicəllənmə, baş ağrısı
• Respirator infeksiyalar

Çox nadir

• Qırmızı və ya ağ qan hüceyrələrinin və ya trombositlərin sayının azalması. Yorğunluq, infeksiya, qızdırma dəridə göyərmə ola bilər.
• Qanda natrium miqdarının azalması. Bu zaman zəiflik, enerji çatışmazlığı və ya əzələ qıcolmaları baş verə bilər.
• Qanda kalium səviyyəsinin artması və ya azalması, xüsusən də böyrək problemləri və ya ürək çatışmazlığı varsa (ağır hallarda bu yorğunluğa, zəifliyə və ya ürəkdə ritm pozğunluğuna səbəb olur)
• Öskürək
• Ürəkbulanma
• Qaraciyərinizin fəaliyyətində dəyişikliklər, o cümlədən qaraciyərin iltihabı (hepatit), bu, yorğunluq, qripə bənzər simptomlar, dərinin və gözlərin saralması kimi simptomlarla müşayiət olunur.
• Sürətlə inkişaf edən dəri səpgiləri və ya qabıqlanması; ağızda səpkilər, suluqların olması; övrə; qaşınma
• Bel ağrısı, oynaqlarda və əzələlərdə ağrı
• Böyrək funksiyalarının pozulması, xüsusən də böyrək problemləri və ürək çatışmazlığı varsa

Adətən 25 mq və daha yüksək dozalarda hidroxlorotiazid ilə monoterapiya zamanı müşahidə olunan əlavə təsirlər:
Ümumi

• Qan testi nəticələrinizdə dəyişikliklər
• Qanda natrium səviyyəsinin azalması (hiponatriemiya). Ağır hallarda zəiflik, enerji çatışmazlığı və ya əzələ qıcolmalarına səbəb ola bilər.
• Qanda kalium səviyyəsinin azalması (hipokaliemiya), xüsusən də artıq böyrək problemləri və ya ürək çatışmazlığı varsa (ağır hallarda, ürək ritminin pozulması, zəiflik və ya halsızlığa səbəb ola bilər)
• Qanda sidik turşusu və şəkər səviyyəsinin artması
• Qanda xolesterin/triqliserid səviyyəsinin artması
• Sidikdə şəkərin olması (qlükozuriya)
• Başgicəllənmə, yuxululuq, zəiflik, qıcolmalar

Ümumi

• Arterial təzyiqin enməsi. Bu yuxululuğa və ya halsızlığa səbəb ola bilər.
• İştahasızlıq, ishal, qəbizlik, mədənin qıcıqlanması, ürəkbulanma, bağırsaq keçməməzliyi, meteorizm
• Dəri səpgiləri, qaşınan səpgilər, günəş işığına həssaslıq nəticəsində yaranan səpgilər

Nadir

• Sarılıq (dərinin və ya gözün saralması). Bu zaman  DƏRHAL həkimlə əlaqə saxlamaq lazımdır.
• Böyrəklərin fəaliyyətinə təsirləri (qanda sidik cövhəri azotunun və kreatinin səviyyəsinin artması), xüsusən də böyrək problemləri və ürək çatışmazlığı varsa
• Yuxu pozğunluğu, depressiya, narahatlıq, çaşqınlıq, ətrafdakılara laqeydlik (apatiya)
• Ətraflarda qarışqa yeriməsi hissi, əzələ zəifliyi
• Qısa müddətə bulanıq görmə
• Ürəkdə ritm pozğunluğu
• Tənəffüsün çətinləşməsi (ağciyərin iltihabı və ağciyərlərdə maye)
• Bədən hərarətinin yüksəlməsi
• Mədəaltı vəzin iltihabı. Bu, mədədə orta və kəskin ağrılara səbəb olur.
• Anafilaktik reaksiyalar
• Öd kisəsinin iltihabı
• Qan damarlarınızın zədələnməsi nəticəsində dəridə qırmızı və ya çəhrayı ləkələr
• Qırmızı və ya ağ qan hüceyrələrinin və ya trombositlərin sayının azalması. Yorğunluq, infeksiya, qızdırma dəridə göyərmə ola bilər.
• Toksik epidermal nekroliz
• Üzün, dodaqların, dilin və/və ya boğazın şişməsi

Məlum olmayan əlavə təsirlər

• Dəri və dodaq xərçəngi (qeyri-melanoma dəri xərçəngi)
• Gözlərdə qəfil yaxından görmə və ya qəfil şiddətli ağrılar da yarana bilər.

Amlodipinin qəbulu zamanı müşahidə olunan mümkün əlavə təsirlərə aşağıdakılar daxildir:
Çox tez-tez

• Ödem

Ümumi

• Baş ağrısı, başgicəllənmə, yuxululuq (xüsusilə müalicənin əvvəlində)
• Ürək döyüntüsünün artması, dərinin qızarması
• Qarında ağrı, ürəkbulanma
• Bağırsağın işinin pozulması (ishal və qəbizlik daxil olmaqla), həzm pozğunluğu
• Yorğunluq, zəiflik
• Görmə pozğunluğu, ikiqat görmə
• Əzələ qıcolmaları
• Ayaq topuqlarının şişməsi (ödem), yorğunluq
• Nəfəs darlığı (dispnoe)

Digər arzuolunmaz əlavə təsirlər aşağıda verilmişdir. Bu arzuolunmaz təsirlərdən hər hansı biri ciddiləşərsə və ya bu vərəqədə aşağıda qeyd olunmayan hər hansı arzuolunmaz təsirlər müşahidə etsəniz, bu barədə həkiminizə və ya əczaçıya məlumat verin.
Ümumi

• Əhval dəyişikliyi, narahatlıq, depressiya, yuxusuzluq, narahatlıq
• Titrəmə, dadın pozulması, huşunu itirmə, zəiflik
• Ətraflarda uyuşma və ya qarışqa yeriməsi hissi, ağrı hissinin itməsi
• Görmə pozğunluğu, ikiqat görmə, bulanıq görmə, qulaqlarda cingilti
• Ürək ritminin pozulması (aritmiya)
• Arterial təzyiqin aşağı enməsi
• Burunun selikli qişasının iltihabı nəticəsində yaranan burun axması, asqırma və ya öskürək (rinit)
• Bağırsağın işinin pozulması (ishal və qəbizlik daxil olmaqla), həzm pozğunluğu
• Saç tökülməsi, tərləmənin artması, dəri qaşınması, dəridə qırmızı ləkələr, dəri rənginin dəyişməsi
• Sidik ifrazının pozulması, gecə sidiyəgetmə hallarının artması
• Kişilərdə erektil disfunksiya, ginekomastiya
• Döş qəfəsində ağrı və ya narahatlıq hissi
• Oynaqlarda və əzələlərdə ağrı, əzələ qıcolmaları, bel ağrısı
• Çəkinin artması və ya azalması

Nadir

• Qarışıqlıq

Çox nadir

• Ağ qan hüceyrələrinin və trombositlərin sayının azalması nəticəsində asan qanaxma
• Allergik reaksiyalar
• Qanda şəkərin artması (hiperqlikemiya)
• Əzələ zəifliyi, dəridə qarışqa yeriməsi hissi və ya uyuşma ilə nəticələnə bilən sinir pozğunluğu
• Diş ətinin şişməsi
• Meteorizm (qastrit)
• Anormal qaraciyər funksiyaları, qaraciyərin iltihabı (hepatit), dərinin saralması (sarılıq), bəzi tibbi testlərə təsir edə bilən qaraciyər fermentlərinin yüksəlməsi
• Əzələ gərginliyinin artması
• Qan damarlarının iltihabı, tez-tez dəri səpgiləri
• İşığa qarşı həssaslıq
• Əzələ rigidliyi və tremorla müşayiət olunan hərəkət pozğunluqları
• Mədəaltı vəzinin iltihabı (pankreatit), qastrit

Doza həddinin aşılması
Doza həddinin aşılması zamanı, məsləhət üçün dərhal həkiminizlə və ya əczaçı ilə məsləhətləşin.
Doza həddinin aşılması qan təzyiqinin aşağı düşməsinə və ya hətta təhlükəli dərəcədə aşağı düşməsinə səbəb ola bilər. Simptomlar: başgicəllənmə, halsızlıq və ya zəiflik ola bilər. Qan təzyiqinin düşməsi kifayət qədər güclü olarsa, şok baş verə bilər. Xəstə huşunu itirə bilər.

Buraxılış forması
7 tablet blisterdə. 4 blister içlik vərəqə ilə birlikdə karton qutuda qablaşdırılır.

Saxlanma şəraiti
25°C-dən aşağı otaq temperaturunda, orijinal qablaşdırmasında və uşaqların əli çatmayan yerdə saxlamaq lazımdır.

Yararlılıq müddəti
Yararlılıq müddəti qutunun üzərində göstərilmişdir.
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçı
DEVA Holding A.Ş.
Çerkezköy Organize Sanayi Bölgesi Karaağaç Mah. Atatürk Cad., No: 32
Kapaklı - TEKIRDAG/TURKEY.

Qeydiyyat vəsiqəsinin sahibi
“WISE PHARMA” LP.
Office 7 Centrum Offices 38 Queen Street, G1 3DX. Glasgow-Şotlandi̇ya.

Məhsulun və əmtəə nişanının sahibi
“WISE PHARMA” LP.
Office 7 Centrum Offices 38 Queen Street, G1 3DX. Glasgow-Şotlandi̇ya.